नयासक्तिको प्रतिनिधिसभामा दुइ तिहाइ स्थान

नयासक्तिको दुइ तिहाइ बहुमत पक्का

रामचन्द्र भण्डारी

पेरिस, फ्रान्स

आज ११ जुन २०१७ का दिन फ्रान्समा प्रतिनिधिसभा सदस्यको लागि भएको पहिलो चरणको निर्वाचनमा नयासक्ति ( REM ) र नयासक्ति सग चुनाबी तालमेल गरेको पार्टी ( MDM ) को गठबन्दनले ३२,३२  % मत सहित प्रथम स्थान हासिल गरेको छ भने रिपब्लिकन पार्टी ( LR ) २१,५६ % मत सहित दोस्रो स्थानमा छ | दक्षिण पन्थी पार्टी ( FN ), वामपन्थी पार्टी ( FI ) र समाजवादी पार्टी ( PS ) को गठबन्धन क्रमस १३,२ % , ११,०२ % र ९,५ % मतका साथ तस्रो, चौथो र पाचौ स्थानमा परेका छन् |

     

पहिलो चरणको निर्वाचनवाट नै  ४ जना उम्मेदवार प्रतिनिधिसभा सदस्यका लागि निर्वाचित भएका छन् | यी उम्मेदवारहरुले कुल खसेको मतको कम्तिमा  ५०% मत प्राप्त गरेका थिए जुन मत उक्त निर्वाचन क्षेत्रको कुल मतदाता संख्याको कम्तिमा २५% थियो |  यो सर्त पुरा हुन् नसकेका बाकि ५७३ निर्वाचन क्षेत्रमा यहि जुन १८ का दिन दोस्रो चरणको निर्वाचन हुदै छ |  पहिलो चरणमै निर्वाचित हुने चार भाग्यमानि मध्ये दुइ जना नयासक्तिका, एक जना रिपब्लिकन सग गठबन्धन गरेको पार्टी ( UDI ) र १ जना स्वतन्त्र वामपन्थीका उम्मेदवार हुन् |  

   ५७३ निर्वाचन क्षेत्रमा यहि जुन १८ का दिन दोस्रो चरणको निर्वाचन हुनेछ जसमा हरेक निर्वाचन क्षेत्रमा पहिलो चरणमा कुल मतदाता संख्याको १२,५% मत प्राप्त गरेका उम्मेदवारहरु बीच प्रतिस्प्रधा हुनेछ | एक जना उम्मेदवारले मात्र १२,५ % प्राप्त गरेमा उक्त उम्मेदवारले आफु भन्दा एक तह कम मत प्राप्त गर्ने उम्मेदवार सग प्रतिस्प्रधा गर्नेछ | यदि कुनै पनि उम्मेदवारले पहिलो चरणमा १२,५ % मत प्राप्त गर्न नसकेको अवस्थामा त्यस निर्वाचन क्षेत्रका सबैभन्दा बढी मत प्राप्त गर्ने दुइ उम्मेदवार बीच प्रतिस्प्रधा हुनेछ | 

पहिलो चरणमा विभिन्न पार्टीहरुले प्राप्त गरेका अग्रतालाइ बिश्लेषन गर्दा नयासक्तिको गठबन्धनले प्रतिनिधिसभामा दुइ तिहाइ स्थान प्राप्त गर्ने कुरा प्राय निश्चित देखिन्छ | तथ्यांक विभागको अनुमान अनुसार दोस्रो चरणको निर्वाचनमा जम्मा ५७७ स्थान मध्ये नयासक्तिको गठबन्धनले ४१५  - ४४५  स्थान, रिपब्लिकन पार्टीको गठबन्धनले ८०  - १००  स्थान, समाजवादी पार्टीको गठबन्धनले ३०  -  ४० स्थान, वामपन्थी पार्टीको गठबन्धनले १० - २० स्थान, दक्षिणपन्थी पार्टीले १ - ४  स्थान प्राप्त गर्ने सम्भावना देखिन्छ |

रामचन्द्र भण्डारी

पेरिस, फ्रान्स